Quid agitis?

[Dantius]

mihi quoque placet.

 

[Nate B]

Hoc forum "sermones tironum" appellatur, sed nullusdum tiro ad hoc forum venit.

Salve, Danti; salvete, ceteri.
Tiro quidem sum, itaque venias mihi date (et monete), si lingua mea errat, ut fortasse iam!
Verba vestra nunc viso, ut discam.
Scio errare esse humanum, ac tamen errare metuo!

 

[Dantius]

errare metuo!

Noli metuere! Hoc forum "sermones tironum" ideo factum est, ut tirones in Latine scribendo exerceri possent sine metu. Mea sententia, Latine haud male scribis.

 

[Bestiola]

Salve, Danti; salvete, ceteri.
Tiro quidem sum, itaque venias mihi date (et monete), si lingua mea errat, ut fortasse iam!
Verba vestra nunc viso, ut discam.
Scio errare esse humanum, ac tamen errare metuo!

Salve, benigne te accepimus

 

[Laurentius]

Salue, Nate B! Aduentu tuo gaudemus.

 

[cinefactus]

hodie bene mane ante mihi in officio est eundum gaudebam me habuisse aliquantulum temporis non nullos versus Terentii legere

 

[rothbard]

Duabus abhinc septimanis a diario acceptam et a me rursus recognitam commentationem die dominico ad editorem misi. Primam conscriptionem iam uno abhinc anno ad diarium miseram. Hodie litteras ab editore accepi, in quibus poposcit ut ducenta vel trecenta verba tollerem. Nescio ubi ducenta verba inania in hac commentatiuncula invenire possim. Iam mille ex quinque fere milibus sustuli.

 

[Pacifica]

Heu! Molestum istuc mihi videtur. Qua de re autem est commentatio?

 

[Dantius]

Duabus abhinc septimanis a diario acceptam et a me rursus recognitam commentationem die dominico ad editorem misi. Primam conscriptionem iam uno abhinc anno ad diarium miseram. Hodie litteras ab editore accepi, in quibus poposcit ut ducenta vel trecenta verba tollerem. Nescio ubi ducenta verba inania in hac commentatiuncula invenire possim. Iam mille ex quinque fere milibus sustuli.

Mihi quoque dificillimum est brevius reddere quod scripsi, sed nonnumquam necesse est. Paucis abhinc mensibus magistra nobis edixit, quinque paginarum commentationem scriberemus. Primo sex paginas scripsi, sed ad ultimum unam tollere potui.

 

[Pacifica]

Ego cum in schola eram, quotiens liber quispiam nobis erat legendus et summarium scribendum, longius fere bis tanto quam praeceptum erat scribebam. Omnia enim paene mihi momenti esse videbantur, neque satis omittere poteram...

 

[Dantius]

Nunc Taciti Germaniam lego. Puto me ex illis antiquis Germanis fortasse ortum, nam Tacitus dicit "...somno, quem plerumque in diem extrahunt...". Aestate nonnumquam ego paene ad meridiem dormio!

 

[Laurentius]

Soleo et ego usque ad meridiem dormire, sed noctu uigilo. Eine Germani et noctu et mane dormiebant?

 

[Dantius]

Nescio.

 

[rothbard]

Heu! Molestum istuc mihi videtur. Qua de re autem est commentatio?

Tractat de ratione pretii pactionum quorundam computandi, quae derivativae vocantur, et generis periculi dimetiendi, quod oritur cum argentariae cuiusdam decoctione pecuniam amittere possint, quicum pactiones eius modi fecissent. Usque fere ad annum MMVIII magnae argentariae quasi immortales videbantur, sed hodie inter omnes constat eas adversis temporibus decoquere posse.

 

[Dantius]

Post longam vacationem hodie tandem domum redibo.

 

[Pacifica]

Vbi est Aurifex? Spero eum quoque alicubi peregrinari et mox rediturum esse. Amisso iam Imbre Ranae si Aurificem amiserimus, id nimis erit.

 

[Dantius]

Vbi est Aurifex? Spero eum quoque alicubi peregrinari et mox rediturum esse. Amisso iam Imbre Ranae si Aurificem amiserimus, id nimis erit.

malleolus quoque iam diu ad hoc forum non venit. Matthaeus quoque.

 

[Pacifica]

Matthaeum quidem scio adhuc vivere, nam eum nonnumquam in Facebook video. Num tibi notus fuit Matthaeus? Si fuit, non diu fuit, puto.

 

[Laurentius]

Quis est quin uemortuicidarum strenuissinum nouerit?

 

[Dantius]

Matthaeum quidem scio adhuc vivere, nam eum nonnumquam in Facebook video.

Scin cur ad hoc forum non iam veniat?